“Yashnobod” innovatsiya texnoparki xalqaro aloqalarni kengaytirmoqda

“Yashnobod” innovatsiya texnoparki direktori Sh. Abdulxamidov Xitoy-Rossiya (MDH) sinergetik innovatsion platformasi ofisi rahbari Ekaterina Shen bilan rasmiy uchrashuv o‘tkazdi.

Tomonlar tadbirkorlik subyektlariga ko‘maklashish, ularning faoliyatini qo‘llab-quvvatlash va hamkorlik imkoniyatlarini kengaytirish, innovatsion loyihalarni ilgari surish hamda texnopark rezidentlari uchun qulay sharoitlar yaratish masalalarini muhokama qildilar. 

Muloqot yakunida tomonlar o‘zaro hamkorlikni mustahkamlash va kelgusidagi qo‘shma loyihalarni rivojlantirishga tayyor ekanliklarini bildirdilar.