Yashnobod innovatsiya texnoparki rezidenti “UzPolitex Holding” MChJ faoliyati o‘rganildi
30.01.2026
Umumiy qiymati qariyb 151 mlrd so‘mni tashkil etuvchi ushbu yirik innovatsion loyiha doirasida AD*STAR turkumidagi zamonaviy polipropilen qoplar ishlab chiqarish yo‘lga qo‘yilgan. Avstriya va Germaniyaning eng so‘nggi texnologik uskunalari bilan jihozlangan zavodda polipropilen ip tayyorlashdan tortib, tayyor mato to‘qishgacha bo‘lgan barcha bosqichlar to‘liq qamrab olingan. 100 foiz mahalliy xomashyoga asoslangan ushbu korxonaning yillik quvvati 100 million dona qopni tashkil etib, mahsulotlarning asosiy qismi eksportga yo‘naltirilmoqda.
Zavodda ishlab chiqarilayotgan mahsulotlar o‘zining suv o‘tkazmasligi, yuqori mustahkamligi va xavfsizligi bilan sement, qurilish materiallari hamda o‘g‘itlar sanoatida yuqori baholanadi. Hozirda 120 dan ortiq malakali mutaxassis faoliyat yuritayotgan korxonaning texnologik imkoniyatlari va istiqboldagi rejalari o‘rganilib, kelgusidagi rivojlanish bosqichlari belgilab olindi.
Eslatib o‘tamiz, tadbirkorlar Yashnobod innovatsiya texnoparki rezidenti bo‘lish orqali qator soliq va bojxona imtiyozlaridan foydalanish imkoniyatiga ega bo‘ladilar.
Bog‘lanish uchun:
📞 Telefon: (71) 269-49-51, (94) 622-14-51
📍 Manzil: Toshkent sh., Yashnabod tumani, Majnuntol ko‘chasi, 5-uy.
